(аповесць-казка для дашкольнікаў і малодшых школьнікаў), 2013 г., перавыданне

Рыгорка – хлопчык як хлопчык. Жыве ў горадзе. Ходзіць у дзіцячы сад. Любіць маляваць.Чытае шмат і ўсё пра розныя прыгоды. Здараюцца часам з ім усялякія гісторыі.

Хачу вам расказаць пра некаторыя Рыгоркавы прыгоды. Няхай хто пасмяецца, а хто і пра сябе падумае.

Чытаць кнігу У. Ліпскага "Рыгоркавы прыгоды"

(аповесць-казка для дашкольнікаў і малодшых школьнікаў), 2007 г., выд. “Мастацкая літаратура”

Жыў-быў Нулік.

Сумна жыў, абы-як. Спытаеце чаму? Ды таму, што быў адзінокі. Ні з кім не сябраваў, ні да каго не хадзіў у госці... Нулік быў ніхто, нічый, ніякі...

Дзе жыў Нулік? Ды абы-дзе....

А што рабіў Нулік? Ды нічога. Ён умеў толькі палежваць: то на правым баку, то на левым...

Аднойчы ветрык-падарожнік нашаптаў Нуліку пра казачнага Калабка.

Задумаў і Нулік паспрабаваць шчасця. Захацеў і ён пабачыць свету.

Аповесць "Прыгоды Нуліка" па выніках ІІ Рэспубліканскага конкурсу на лепшую кнігу года атрымала Першае месца ў намінацыі “Дзіцячая літаратура”.

Чытаць кнігу У. Ліпскага "Прыгоды Нулiка" па-руску

(забаўлянкі, апавяданкі, былі, небыліцы, казкі, загадкі), 2001 г., выд. “Мастацкая літаратура”.

Маша - мая сяброўка. Яна дачка маёй дачкі. От і ўгадайце, якія мы з ёй родзічы.

Маша ходзіць у дзіцячы сад. Даверліва расказвае мне пра ўсё. Дома мы гуляем з яе лялькамі, цацкамі. Прыдумляем апавяданні. Мая кніжка для вас, сябры, так і называецца -- "Наша Маша".

Чытайце ды на вус матайце.

(казкі, аповесці), 2001 г., выд. “Юнацтва”.

Аповесць пра сапраўдную дзяўчынку Алёнку.

"Алёнка, які твой любімы колер? -- Чорны і белы.

Кім хочаш быць? -- Суддзёй. Ён судзіць дрэнных людзей і п'яніц.

Якое тваё самае вялікае жаданне? -- Сабраць усе жвачкі на свеце.

Хочаш ісці ў школу? -- Ой, не хачу. Баюся, што двойку атрымаю...

Каго любіш з дарослых? -- Маму, тату, браціка Ігара, Колю, самую сябе. Усіх люблю!"