(дакументальная аповесць), 1987 г., выд. “Беларусь”.

Дарагі чытач!

Хачу пазнаёміць цябе з чалавекам, жыццё якога стала гонарам Беларусі. У яго лёсе -- гісторыя рэспублікі ад дзён нараджэння да сённяшняй явы. Па яго блакітных вачах і адкрытай усмешцы ў далёкіх і блізкіх краях пазнавалі шчырага беларуса.

Пра жыццё Васіля Феафілавіча Купрэвіча можна сказаць -- гэта подзвіг. А кожны подзвіг перш за ўсё -- урок для нашчадкаў.

Сваім жыццём-подзвігам В.Ф. Купрэвіч здзейсніў, пакінуў нам у спадчыну незвычайныя ўрокі. Па яго жыццёваму падручніку можна вучыцца высакароднасці і сціпласці, чалавечнасці і смеласці, працавітасці і сумленню, ідэйнасці і перакананасці, праўдзівасці і самаадданасці.

Спадзяюся і веру, што яго вучэнне, вобраз і ўрокі жыцця -- яскравы прыклад для ўсіх.